செய்திகள் வாசிப்பது.

சென்னை மே- 6: தி.மு.க தனது தேர்தல் அறிக்கையில் இலவசமாக கலர் டிவி தருவதாகச் சொன்னதை அடுத்து ஏற்பட்ட தாக்கத்தை தனிக்க, தமிழகத்தில் திருமணமாகும் அனைத்து பெண்களுக்கும் 4 கிராம் தங்கம் இலவசமாக தரப்படும் என்று செல்வி.ஜெயலலிதா அறிவித்தார். இதன் எதிரொளியாக, மக்கள் மனதில் நீங்கா இடம் பிடித்துவிட்டர் என்றும்,அவர் இத்தேர்தலில் அமோக வெற்றி பெறக்கூடும் என்று,தயாநிதி மாறன் தயவினால் இயங்கும் மத்திய உளவுத்துறை தனது அறிக்கையில் குறிப்பிட்டுள்ளது.

இதை தொடர்ந்து, மேலும் என்ன இலவசங்களை கொடுப்பது என்று ஆலோசிக்க, தி.மு.க தலைவர் கருணாநிதி தலைமையில், தி.மு.க கூட்டனி கட்சி கூட்டம், சென்னை அறிவாலயத்தில் இன்று நடைபெற்றது. கூட்டத்தில் கலைஞர் பேசுகையில் அ.தி.மு.க இலவச தங்கத்தாலி தந்தால் மட்டும் போதுமா,தாலிகட்ட இலவச மாப்பிள்ளை வேண்டாமா என்று தனக்கே உரிய ராஜதந்திரபானியில் கேள்வி எழுப்பிய கலைஞர்,தனது கனவுத்திட்டமான, இலவச மாப்பிள்ளை திட்டத்தை அறிவித்தார். இதை தனது உளவுத்துறை மூலம் அறிந்த செல்வி.ஜெயலலிதா, புதுமனத் தம்பதிகளுக்கு தேனிலவு செல்ல தலா 10000 ரூபாய் தரப்படும் என்ற புரட்சிகர அறிவிப்பை வெளியிட்டார். இதனால் தமிழகம் முழுவதும் அ.தி.மு.க அலை வீசுவதாக செய்தி வெளியானதைத் தொடர்ந்து தி.மு.க வினர் கலக்கமடைந்துள்ளனர்.

இதையடுத்து செய்தியாளர்களிடம் பேசிய தி.மு.க தலைவர் கருனாநிதி, தேனிலவு சென்ற தம்பதியினருக்குப் பிறக்கும் குழந்தைகளுக்கு, தன் வாயால் தூய தமிழில் இலவசமாக பெயர் சூட்டப்படும் என்றும், குழந்தைகள் கக்கா,உச்சா போனால் துடைத்துவிட கேரளாவில் இருந்து வெள்ள வெளேர் என்று இருக்கும் நர்ஸ்களை(Nurse) இறக்குமதி செய்ய கழக அரசு ஆவன செய்யும் என்று உறுதி அளித்தார், இதை தொடர்ந்து திமுக வினர் உற்சாகம் அடைந்தனர்.


இதை கேள்வியுற்ற கேப்டன்.விஜயகாந்த் அவர்கள்,இரண்டு திராவிடக்கட்சிகளும் தனது தேர்தல் அறிக்கையை காப்பி அடிப்பதாக புகார் கூறினார்.தான் இலவசமாகத் தரும் கறவை மாடு(பசு மாடு) திட்டம் தனக்கு வெற்றியைத் தேடித்தரும் என்று நம்பிக்கை தெரிவித்தார்.இதை செய்தியாளர்கள் மூலம் அறிந்த செல்வி.ஜெயலலிதா,விஜயகாந்த் தரப்போகும் கறவை மாடு(பசு மாடு) பால் தராத பசு மாடு என்று தனது கட்சியின் முன்னால் நாடாளுமன்ற உருப்பினரும்,தற்போதைய அடி(மை)ப்படை உருப்பினருமான திரு.பால்கார,ராமராஜன் தெரிவித்ததாக கூறினார்.மேலும் டாடாவை மிரட்டிய விவகாரத்தில் தயாநிதி மாறன் பதவி விலக வேன்டும் என்று அறிக்கையொன்றில் தெரிவித்துள்ளார்.

டாடா விவகாரத்திற்கு பதிலளிக்கும் பொருட்டு தனது தொன்டர்களுக்கு கருணாநிதி கடிதம் எழுதியுள்ளார்,கடித விவரம் வருமாறு,

"உடன்பிறப்பே, பார்ப்பனீயம் என்ற பாம்பினைப் பாலூட்டி வளர்த்த ஆரிய முதலாளிதான் டாட்டா என்பதனை அன்றே அறிந்து சொன்ன அண்ணாவின் அறிவுரையைத் தன்மானத்தமிழன் மறந்துவிட்டிருப்பான் என மனப்பால் குடிப்பவருக்கும், வீணாய்ப்போன விபீடணனுக்கும், ஆரிய சூழ்ச்சிக்கும், அநியாய ஆட்சிக்கும் வேட்டாய் வைத்து டாட்டா சொல்லும் வண்ணம், அய்யன் வள்ளுவன் அழகுபடுத்திய அம்மொழிதன்னை செம்மொழியாக்கிய சிங்கத்தமிழனை(தயாநிதி மாறனை) சிம்மாசனம் ஏற்றும்வரை ஊணில்லை உரக்கமில்லை ஒருநாளும் ஓய்வுமில்லை என்றெழுந்து, புறப்படு, அதோ தெரிகிறது மே 8.

Serious Talk.

I've no words to express my anger and irritation whenever I read about this election developments in Tamilnadu.I just want to quote the following lines from Bharathi.

பாதகஞ் செய்பவரைக் கண்டால் --நாம்
பயங்கொள்ள லாகாது பாப்பா,
மோதி மிதித்துவிடு பாப்பா --அவர்
முகத்தில் உமிழ்ந்துவிடு பாப்பா.